مشترياتي من سيفورا+طلبية موقع نوردستروم

سلام عليكم ورحمة الله وبركاته❤️مشترياتي هذا الشهر$_$

قبل عشره ايام يمكن او اسبوعين قررت اشتري كلارسونيك كانت بخاطري من اول بس ابغى طريقه اجيبها بدون شحن مكلف لقيت هالموقع http://m.shop.nordstrom.com/ مايحتاج يكون عندك بريد او اشتراك باي شركة شحن لان شحنه مباشر للسعوديه عبر ارامكس او دي اتش ال اهم شي اسمك ومدينتك ورقم جوالك فقط والدفع بالفيزا سوا دوليه او عاديه .

اخذت ميا ون ب٣٩٩ريال عليها حاليا خصم اصبحت ب٣٥٩ريال وباليت من بيرمينيرالز  ب١٥٧ريال الشحن للسعوديه كلف١٢٧ريال يمكن + الضرائب ٣٤ريال اجمالي حسابي كان ٧١٩ريال والموقع يتيح لك معرفة الاسعار بالريال

الباليت الي اخذت عباره عن سته ايشادو منها ثلاثه شيمر والبقيه مات  واضاءه وبودرة كنتور واثنين بلاشر مرا بقمنتد ماشاءالله مالقيت سواتش بقوقل فسويت سواتش مب ذاك الزود:"" 

دقة كاميرا جوالي مو موضحه قوة الالوان للاسف الحين اروح لمشتريات سيفورا

اخذت مجموعة ذا ريل من بنفت تحتوي على ماسكرا حجم الاصل وميني ايلاينر الي ماشاءالله اكبر من الخقه❤️ ومزيل بس كميته مرا قليله امس جربت انا واختي الايلاينر وخلص علينا :( سعر المجموعه ١٤٠ريال .

الشي الثاني ارواج ثابته من سيفورا ماانصح ماانصح فيها ريحتها ريحة تونر او مبيد الحشرات وملمسها ع الشفايف نفس اللصق مو مريحه ابدا ولا تسوى بريال حسافه اللون حلو:(  وانسي انها تروح بدون المزيل الي نازل عشانها سعرها ٨٩ريال والمزيل ٣٥ريال 

دمتم بموده*_*

التسجيل بالمباشر للافراد لتفعيل فيزا التسوق

    السلام عليكم ورحمة الله وبركاته❤️❤️
 نكمل تفاصيل تفعيل الفيزا بعد التاكد من ادخال رقم الجوال بأحد صرافات الراجحي وايضا تفعيل الخدمات الالكترونيه نخش رابط التسجيل https://www.almubasher.com.sa/portal/auth/registration/login.do   

 ونقوم بفعل ماهو موضوع بالتعليمات والحرص على استيفاء كافة شروط الامن  ملاحظه: عند كتابة اسم المستخدم لايستخدم احرف كبيره او احرف وارقام متتابعه لحفظ الخصوصيه والامان .

 بعد التسجيل راح تطلع لك صفحة المستخدمين كنا نستخدم النسخه الرابعه ولكن سيتم الغاءه خلال هذا الشهر واستبدالها بالنسخه الخامسه

بعد الدخول تاكد ان حسابك الجاري يحتوي على مبلغ١٠٠ريال وهي رسوم تفعيل الفيزا بعد التاكد اضغط على البطاقات الائتمانيه واختار تفعيل وراح ينسحب المبلغ من حسابك وتصير الفيزا مفعله وجاهزه للاستخدام وتقدري برضو تغيرين كلمة السر بالفيزا للكلمه الي تعجبك وراح تلقين بالفيزا ريال هديه من الراجحي😜 ومن نفس القائمه المنسدله تحت بطاقات ائتمانيه راح تلقين خيار الدفع للبطائق الائتمانيه وهذا يعني شحنها بقيمة مشترياتك بعد الضرب في ٣،٨٠ ريال للدولار  وبكذا خلصنا الفيزا شايفين كيف انها سهله ومو ذاك الشغل؟ الحين نتطرق للربط بالبنك الالكتروني الباي بال هذا الحل الوحيد للمحافظه بعد الله على فلوسك من السرقه 

راح نبدا التسجيل بالدخول على هالرابط https://www.paypal.com/home انزلي تحت مرا راح تلقي مكتوب sing up  ادخلي عليها راح تطلع لك هالصفحه 

اختاري individual  واضغطي الايقونه الصفراء تحته راح تطلع لك قائمه تعبي فيها بياناتك اكتبي معلوماتك مزبوط مزبوط ولازم تكون لغتك الانجلش جيده اذا ماتعرفين لا تترجمين الصفحه ابدا ابدا اكيد بتلقين احد بعايلتك يعرف انجليزي وبيعلمك وصلتي عند ال zip code ؟ افضل انك تكونين مسجله بالبريد السعودي بواصل العادي ببلاش اشتراكه لضمان ان اغراضك ماتضيع اذ رايك من رائي تفضلي بالاتصال على رقمهم الموحد ٩٢٠٠٠٥٧٠٠ وخلي الموظف/ة يسجل لك وراح يرسل لك عنوانك على رقم جوالك  بس تكونين حافظه رقم بيتكم الي دايم يكون برا بلوحه خضرا على سور البيت

،نرجع لموضوعنا بعد ماتخلصين التسجيل بالباي بال لازم فيزتك تكون مشحونه ب١٨ريال لتفعيل اكاونتك بالباي بال وقيمة التفعيل ١.٩٥دولار اي مايساوي ٨ريال بس انا قلت لك ١٨ الاحتياط واجب😜 راح ترجع لك قيمة التفعيل بغضون ١٠ايام بحساب فيزتك وبكذا نكون طلعنا فيزا وسجلنا بالمباشر للافراد وفعلنا الفيزا وسجلنا بالباي بال نعم سيدتي انتي الان في استعداد تام لغزو مواقع البيع الالكترونيه$$

ابغى اطلب من الانترنت بس....؟

سلام عليكم  ❤️❤️ اول موضوع بالمدونه وان شاءالله فاتحة خير،،،،،، الكل يعاني من هالشي وانا كنت منهم بس بعدين صار شي تافه'_' الي هو كيف اطلع فيزا وايش الاجراءات وافضل مصرف او بنك لاستخراجها 

افضل بنك بالنسبه لي هامش الربح او الفائده مايتعدى 
٠،٥بالميه وسعر الصرف ٣،٨٠ريال للدولار   نجي للفيزا  لايشترط ان تكوني موظفه ،عمرك فوق١٨سنه ومعك بطاقة احوال اذا مو معك لازم تجيبي معرف معك الي هو ولي امرك  لازم حسابك البنكي يكون على بنك الراجحي  عشان تقدري تنقلي فلوسك من حسابك للفيزا وهذا شكل الفيزا

 الفيزا منها نوعين :فيزا تسوق وفيزا انسان الفرق بينهم ان عند الشراء بفيزا التسوق تتحول النقاط الى قسائم شرائيه من محلات محدده وفي فيزة انسان تتحول الى الجمعيه الخيريه لدعمهم . انا اخترت فيزا تسوق،بدات الموظفه بادخال  بياناتي وكل شي يمكن اخذت نص ساعه اغلب الوقت راح بالتوقيع فوق ٦او٧ اوراق وقعت ><" وانتهينا وقالت خلال اسبوع تجيك عبر فيديكس وفعلا اتصلو واستلمتها *^* الافضل تطلبي الفيزا تكون محفوره باسمك عشان تقدري تستخدميها بسفراتك برا المملكه ايضا تقدري تسحبي من اي صرافه بس ياخذون فائده ١٦ريال على كل عمليه:/   استلمت الفيزا كيف افعلها؟؟؟ لاز تكوني مشتركه بالخدمات الالكترونيه ،،،كيف تشتركي؟ تطلبي من موظفة البنك الاشتراك بالخدمات الالكترونيه راح تاخذ منك رقم العميل الي موجود بهالبطاقه وسيتم التفعيل خلال٢٤ساعه 

وبكذا استخرجنا الفيزا واشتركنا بالخدمات الالكترونيه لسى باقي التسجيل بموقع المباشر للافراد+ تفعيل الفيزا راح يكون موضوع لوحده عشان مااطول عليكم.

 دمتم بموده ❤️❤️